الخميس، 6 مايو، 2010

العلم و الإيمان

بسم الله الرحمن الرحيم
الحمد لله و الصلاة و السلام على رسول الله
أول ما يجب أن أبدأ به هو شكر كل الأخوة و الأخوات المدونين و المدونات على حسن اهتمامهم و على سؤالهم ...
كان بإمكانى أن اكتب بعض الموضوعات فى الفترة الماضية و لكنى كنت موقن أنى لن استطيع أن أتواصل مع تعليقاتكم و لا مع مدوناتكم الكريمة بشكل يرضيكم و يرضينى و لكن بكرم من الله أعتقد أنى استطيع الآن و بعد استقرار أمورى بفضل الله أن استمتع بالتواصل معكم إن تيسر لكم ذلك ..
احترت جدا فى اختيار موضوع اعود به إلى المدونة ... و آثرت أخيرا أن أبدأ ببضع أبيات بسيطة و مباشرة ( تسخين يعنى ) لعلها تكون بداية .... عسى الله أن ينفعنى و إياكم بها

انقلبَ السحرُ على الساحرِ* و انـدثـرتْ آثـــارُ الأممِ
ما بَقِىَ منها غيرُ حطـــامٍ * و ترابٍ و بقايـــا العظمِ
أفـلـم تـر تـلك الآثـــــــارِ * لحضـاراتٍ منـذ القـــدمِ
قد عَمَروا تلك الأنحـــاءِ * قد وصلوا لأعـالى القممِ
قد نفــروا لعلومِ الدنيــــا * لكنْ تـركوا خيــرَ العــلمِ
فَصَلوا العلمَ عن الإيمانِ * بهـما أمـتى فـلـتـهتـمـــى
تبنى بذاك حضـارةَ حقٍ * سكنَ الروحِ وراحةَ جسمِ

هناك 23 تعليقًا:

موناليزا يقول...

نورت مدونتك من جديد
والحمدلله على استقرار الامور
عوداً أحمدا

ستيتة حسب الله الحمش يقول...

السلام عليكم
سعيدة جدا انك ها تكتب تاني
وكما قالت موناليزا
عود احمد

dr aly khamis يقول...
أزال المؤلف هذا التعليق.
dr aly khamis يقول...

السلام عليكم
جزاك الله خير ا/ موناليزا
حضرتك اللى منورة و الله
بارك الله فيك

dr aly khamis يقول...

و عليكم السلام و رحمة الله و بركاته
أنا اللى سعيد بوجود حضرتك يا د / ستيتة
جزاك الله خيرا و بارك فيك

حياتى نغم يقول...

السلام عليكم ورحمة الله وبركاته

حمداً لله على سلامتكم واستقرار أموركم .

اختيار موفق جزاك الله خيراً .

مجرد مدونة يقول...

حمدا لله ع السلامة :)

مجداوية يقول...

السلام عليكم

عودا أحمدا إن شاء الله والبداية ليست بسيطة فهم 7 أبيات تقال جدا ولكن التكة أنها منقولة

حضرتك بتضحك علينا وبتسكتنا بشعر منقول وبتقول بتسخن بس

:)
عموما مقبولة منك يا دكتور ومنتظرين ابداعات قلمك وفكرك وحالة التسخين لا تدوم مثلما طال تدوير التدوينة وياريت تكون طلعة أمريكاني بعد التسخين إن شاء الله

dr aly khamis يقول...

و عليكم السلام و رحمة الله و بركاته
ا / حياتى نغم
الله يسلم حضرتك
و جزاك الله خيرا
بارك الله فيك

dr aly khamis يقول...

السلام عليكم
د / مجرد مدونة
الله يسلم حضرتك و شكرا لإهتمامك
تحياتى

dr aly khamis يقول...

و عليكم السلام و رحمة الله و بركاته
جزاك الله خيرا ا / مجداوية على زيارتك الكريمة و على اطرائك على الأبيات التى كتبتها يداى و لم أنقلها من أى أحد يا ريت حضرتك تدلينا قريتيها فين قبل كده علشان أعرف مين اللى دماغه متطابقة مع دماغى هذا التطابق العجيب و الله أكيد لو عرفت ان فى حد كتب الكلام ده قبلى هكون سعيد جدا بالتعرف عليه يمكن يطلع كان توأم لى تاه و هو صغير و أهلى مقالوليش و واضح كمان انه ضعيف الشعر زى كده و لسه فى خطواته الأولى ....

ان شاء الله تكون الطلعة جامدة بعد التسخين بس الأكيد انها مش هتكون أمريكانى !!!!
بارك الله فيك
و فى انتظارك تدلينى على المنقول منه (المزعوم)
خالص التحية

عطش الصبار يقول...

حمدالله على السلامه يا دكتور على
واللهى افتقدنا مدونتك
ان شاء الله بدايه موفقه دون انقطاع
تحياتى

جنّي يقول...

السلام عليكم

كيف حالك يا دكتور وحمدا لله على السلامة والعودة الحميدة ان شاء الله ..

العلم والايمان صنوان اذا افترقا زل العلم ونقص الايمان ..

اظن الاخت مجداوية تقصد الشطر الاول من البيت الاول ( انقلب السحر على الساحر ) ولكن لا يمنع الاستعانة ببعض الاقوال المأثورة في نظم الشعر او حتى بعض الابيات عند معارضة قصيدة معينة ..

تحيتي واهلا بيك

dr aly khamis يقول...

السلام عليكم
استاذتنا / أم روزا
الله يسلم حضرتك
جزاك الله خيرا على المجاملة الرقيقة
بارك الله فيك

dr aly khamis يقول...

و عليكم السلام و رحمة الله و بركاته
استاذ / سعيد
أهلا بك استاذنا الكريم
الحمد لله أنا بخير
الله يسلم حضرتك
بارك الله فيك و يسعدنى تواصلك
أسأل الله أن يهدى أمتنا للعلم و العلم على أساس إيمانى
تحياتى

مجداوية يقول...

السلام عليكم

أيوة منقولة !!! منقولة من دماغ حضرتك للمدونة
:)

طبعا أنا بأقاوح عشان أنفي عن نفسي تهمة الهلاوس السمعية والبصرية لأني تخيلت أني قرأت كلمة منقول أسفل الشعر !!! إظاهر أنا قرأت قبل ما أدخل عند حضرتك كلمة منقول في مدونة تانية وجيت عقلت على شعرك بهذا الظن

العفو والسماح
ولا أخي سعيد لا أقصد جملة انقلب السحر على الساحر أنا كنت أقول على الشعر كله نتيجة هذه الهلاوس , وآدي نتيجة دخول أكثر من مدونة ورا بعض والدماغ أصلا الرام بتاعها ميسعش ده كله
:)
بس معلش بقى هلاوسي دي تعتبر مدح لأن معنى منقول إنها جيدة جدا حتى لو بها بعض الهنات لكنها بالفعل ترقى أن تكون منقولة لتميزها

عندي دي المرادي

سماح ؟

مجداوية يقول...

بالنسبة للطلعة الأمريكاني مش قصدي طبعا نقلد الأمريكان لكن ده مصطلح متعارف عليه في العربيات لما يكون طالع على الرابع أو بسرعة كبيرة بيتقال عليها طلعة أمريكاني , هي اسمها كده وعشان متزعلش نخليها طلعة صاروخية ,,, بس برضه الطلعة الصاروخية أمريكاني , إممممممممممم طيب أقول إيه ؟؟؟

طلعة أولى جوية زي بتاعت حسني مبارك في 6 أكتوبر
أهه ,, محلية , عربية , تاريخية

حتطلع أمريكاني برضه
:)

dr aly khamis يقول...

و عليكم السلام و رحمة الله و بركاته
استاذة / مجداوية
شكرا لتوضيح حضرتك
مفيش مشكلة ان شاء الله
و و لو الموضوع كده فالطلعة الأمريكانى أهون على الأقل ناس بتعمل لمصلحة أمتها...
هاكون شاكر لحضرتك لو لفتى حضرتك أو أى حد تانى من الزملاء نظرى لأى خطأ فى الشعر ... أنا مش محترف و عايز اعرف اخطائى علشان أصلحها ...
جزاك الله خيرا على الإهتمام و التوضيح
بارك الله فيك
خالص التحية و التقدير

د. ياسر عمر عبد الفتاح يقول...

ازيك يا دكتور
عامل إيه؟؟
واحشني والله يا دكترة

طبعاً إنت حبيبي ,, لكن الأبيات مش موزونة
مش هتدرس العروض بقى؟؟ :)

dr aly khamis يقول...

السلام عليكم
دكترة
واحشنى و الله
أخبارك ايه ؟؟؟
لبست و لا اعفا ؟؟ ... ان شاء الله تكون خلعت ..
مفيش وقت ادرس عروض و الله بس ان شاء فى الخطة الخمسية القادمة!!!
تحياتى

rovy يقول...

ألف حمدا لله على سلامتك
و الحمد لله على استقرار الامور
ربنا يوفقك دائما يارب

تحياتى

dr aly khamis يقول...

السلام عليكم
جزاك الله خيرا ا / روفى على دعائك و اهتمامك
نورتينا
بارك الله فيك
تحياتى

أبو نظارة يقول...

حمدا لله على السلامة